განცხადება "რუსთავი 2"-თან დაკავშირებით

კავკასიის ლათინ კათოლიკეთა სამოციქულო ადმინისტრაცია შეშფოთებით ადევნებს თვალს ტელეკომპანია "რუსთავი 2"-ს ირგვლივ განვითარებულ მოვლენებს. ეკლესია საერო ცხოვრებაში, როგორც ყოველთვის იცავს მიუმხრობლობის პრინციპს და სასამართლოს გადაწყვეტილების რაიმენაირი შეფასების სურვილის გარეშე სვამს კითხვებს, რომლებიც სპონტანურად იბადება მსგავს შემთხვევებში: ამ ისტორიულ მომენტში ჩვენს საზოგადოებაში არის თუ არა საკმარისად გათვალისწინებული საერთო სიკეთე, პლურალიზმი და ინფორმაციის თავისუფლება, ყოველი დემოკრატიისა და ადამიანის ღირსების დაცვის საუნჯე? ვიმედოვნებთ და ვლოცულობთ, რათა ეს საუნჯე ძვირად ფასობდეს ყველას თვალში და ყოველი ჩვენგანი ესარჩლებოდეს მას.

+ ეპისკოპოსი ჯუზეპე პაზოტო

თბილისი

2017 წლის 2 მარტი

გარდაიცვალა სიმონ ზაზაძე

საქართველოს კათოლიკე ეკლესია დიდი მწუხარებით იუწყება, რომ წუხელ, 5 ოქტომბრის 22.40 სთ-ზე ჟენევაში გარდაიცვალა ბატონი სიმონ ზაზაძე. უფალმა მოუხმო პიროვნებას, რომელმაც მთელი ცხოვრება იზრუნა სტამბულის ქართული კათოლიკური მონასტრის, ბიბლიოთეკისა და ლურდის ღვთისმშობლის ეკლესიის მოვლა-პატრონობაზე; იგი გულით ატარებდა ეკლესიისა და სამშობლოს სიყვარულს, ღმერთმა დაუმკვიდროს ცათა სასუფეველი!
განსვენება საუკუნო მიანიჭე მას, უფალო.
და ნათლითა სამარადისოითა განანათლე იგი.
განისვენოს მშვიდობით. ამენ.

განახლება: ბ-ნ სიმონ ზაზაძის სულის საოხი წირვა აღევლინება ოთხშაბათს, 11 ოქტომბერს 18:00 სთ.-ზე თბილისის საკათედრო ტაძარში (აბესაძის ქუჩაზე).

ქრისტე აღდგა! ჭეშმარიტად აღდგა!

ძვირფასო დებო და ძმებო! ორი ხატება: “გადაგორებული დიდი ლოდი” და “ცარიელი სამარხი” წელსაც იწვევს სიხარულის შეძახილს: “ქრისტე აღდგა! ჭეშმარიტად აღდგა!” უცნაურია, რომ ჩვენი რწმენის საფუძველს მხოლოდ ეს ნიშნები წარმოადგენს.